Transcription
1
Monsieur, madame la contesse de Grignan passant
2
icy à son retour d’Aix, nous a teneu les lettres qu’aviez
3
envoiées à monsieur le conseiller de La Coste et auparavant
4
elle nous avoit faict tenir celles du
5
Montélimar. Vous povés estimer, monsieur, celles que
6
je n’ay veu que je tiens pour vues et en ay sommer
7
monsieur de Cabanes nostre frère de vous en fère response,
8
ce que je cuide il fera. Je suis très aise et en loue
9
Dieu de la continuation de vostre santé et de madame
10
de Gordes, ansamble de l’arivée en mesme
11
estat de monsieur de La Roche notre frère. Nous avons,
12
par un laquay de monsieur d’Ourches, receu une
13
despêche de monsieur d’Evènes et de mon nepveu de
14
Laval du XXIXe passé qui, et mon nepveu de
15
Gargas sont en fort bone santé, Dieu grâce, comme
16
je vous puis asseurer est madame de Caseneufve
17
et tout le petit peuple qui vous escript bien
18
au long et se proteur le mieulx du monde. J’ay
19
parlé au viguier Provance de la robbe comme m’avés
20
mandé. Il m’a respondeu la vous garderoit et
21
en avoit refusé V c escus. Despuis, ma dicte dame estant
22
à Apt pour la Tous Sainctz, luy a faict dire qu’il
23
en fisse son profit, car à tieul pris vous n’y
24
vouldriés entendre. Je suis esbay que n’avés novelles
25
de monsieur l’ambassadeur de Rome. Monsieur le cardinal
26
Ursin c’est acheminé en France comme avés peu scavoir.
27
Je me recommande très humblement à voz bones grâces
28
et de madame de Gordes et de monsieur de La Roche, priant
29
Dieu, monsieur, qu’il vous donnoit en la sienne très bone
30
Et longue vie. De Gargas, ce XXVe novembre 1572.
31
Vostre très humble et très obéissant frère
32
François de Simiene
33